WIRELESS TECHNOLOGY INFO

Teknoloji kediatu nyu majak betambah maju, kekadang ngasaika enda alah digagai. Ari ngena Kabel Tembaga(Copper Cable) ditukarka ngagai Kabel Fiber Optik(Fibre Optic Cable), diatu bertukar ngagai enda begunaka kabel agi tauka Wireless ke istilah jaku diatu. Suba udah aki bisi nerangka ngena UTP Cable, Fibre Optic Cable pan baru aja di pos. Diatu aki ka bekunsi penemu sentang Wireless Networking. Ka nukar leka jaku ribai ngagai jaku iban kekadang tusah mega, laban sigi enda entu landik ga bebasa iban. Salah translate legi nyu nyelai ga utai ka disebut. Nyadi diatu ia kitai rojak ke aja meh, malu endar ngasaika kediri enda landik bebasa iban.

Nama ko kitai Wireless Network(Rangkaian Kerja Tanpa Wayar) tu tadi. Wireless Network begunaka gelumbang radio tauka gelumbang mikro ngasuh kempita kumunikit enggau kempita sigi agi. Wireless tu bisi manah enggau enda manah ia. Kemanah nya ia beguna ba dini-dini endur sereta nadai begunaka kabel. Ke enda manah nya ia bepanggai ba gelumbang laban ulih tersekat-sekat, baka enti ari jai, arus gelumbang ke bukai tauka pengadang baka bangunan ke tinggi-tinggi.

Maya ari tu mayuh rumah enggau rangkaian perniagaan begunaka amat Wireless tu. Wireless Local Area Network(WLAN) bisi standard piawaian Wi-Fi(Wireless Fidelity) ia empu.

Standard Wi-Fi empu:

1. 802.11 - taun 1997 Institute Electrical and Electronic Engineers (IEEE) ngaga standard WLAN kali pertama. 802.11 tu semina nyukung Network Bandwitdh 2Mbps aja, kelalu lubah kena ba semua perengka.

2. 802.11a - nyukung bandwidth dataika 54 Mbps sereta signal ia ditusun dalam spektrum frekuensi kalang 5 Ghz.

• Pemanah 802.11a - Jampat ba pengelaju, Signal frekunsi ia enda mudah kena kacau ari perengka bukai.
  

• Pejai 802.11a - Mar rega, Signal ia pandak sereta mudah nyangkut.
  

3. 802.11b - Digaga dulu ari 802.11a, nyukung bandwitdh 11 Mbps aja sereta frekunsi radio ia 2.4 Ghz aja. Enti sama frekunsi 2.4 Ghz ari rumah ia ulih kena kacau baka cunto microwave oven tauka talipaun cordless.

• Pemanah 802.11b - Murah kos ia, jarak signal ia manah sereta enda mudah nyangkut.

• Pejai 802.11b - Lubah ba pengelaju, enti sama frekunsi ba rumah ia mudah kena kacau.
  

4. 802.11g - digaga ba taun 2002/2003, 802.11g tu ari satup 2 produk 802.11a enggau 802.11b. Nyukung 54 bandwitdh sereta frekunsi ia 2.4 Ghz.

5. 802.11n - Terbaru standard IEEE ba Wi-Fi. Nyukung 100 Mbps ke atas.

Wireless Network kebukai:

1. Bluetooth - Nyukung bandwidth 1-3 Mbps ba kalang 10 meter aja. Biasa ditemu kitai ba PDA tauka Talipaun bincing serta bisi mega ba kempita tang jarang dikenaka ba pengawa ke beguna endar.

2. WiMax - Teknoloji tu bepun ka IEEE 802.16 WAN komunikasi standard. WiMax tu ulih mega ngena ari Internet Satelit. Signal tu ulih ba jarak beberapa batu/kilometer sereta data rate WiMax tu ulih datai 75 Mbps.

3. 1G, 2G & 3G - G nya Generasi - Idea ari International Telecommunication Union (ITU) lalu nubuhka kumpulan kediri dikangau ka International Mobile Telecommunications - 200 (IMT-200). IMT-200 tu meh ngaga projek G tu. Enda entu mayuh amai sumber ari G tu kena dibantaika ditu. Diatu pan sida udah ngaga 4G.

Naka tu ka ulih diterangka sentang Wireless Network tu. Mayuh info ulih kitai bacha ba internet tu, semina kitai paham tauka enda nama ko sida ia aja.