PENYELENGARAAN KOMPUTER

Nama kebuah kempita kitai selalu aja enda bejalai enggau manah? Kekadang ia alu rusak serta enda ulih digunaka. Mayuh faktor nama kebuah ia tau nyadi bisi masalah. Anang meh kitai enda nemu kempita tu bisi mega ia prosedur maintenance ia. Enti enda digaga kitai belama ia tau mai masalah ngagai kempita kitainya. Ia baka rutin sesari kitai meh nya ba pengidup. Baka tubuh kitai enti enda beberus ngeli, enda bekeritukka pending, enda melabur(jaku silup) enggau enda mandi, alu bau but meh tubuh kitai.

Nyadi ditu kitai kena bisi checklist bakani ka ngaturka serta maintenance kempita kitai.

Checklist 1. Setiap hari.

1. Updated ke software kempita kitai ke bisi.

2. Updated ke antivirus kempita kitai.

3. Scan kempita belama ngena antivirus.


Checklist 2. 2 kali seminggu.

1. Buai cookies enggau cache internet ke dikena kitai ngelama tu. Bakani cara ia?

a. Microsoft Internet Explorer (IE)

• Buka IE, klik ba Tool>Internet Options>General>Delete Cookies ba Temporary Internet Files>OK (Delete all cookies in the Temporary Internet Files Folder?>OK.
  

b. Mozilla Firefox

• Buka Firefox>Tools>Options>Privacy>Cookies>View Cookies>Remove Cookie>OK.

• Buka Firefox>Tools>Clear Private Data>Tandaka ba pitak sigi ni ka dibuai kitai>Clear Private Data Now.

c. Ari kempita kitai

• Klik Start>Control Panel>Internet Options>Klik Delete ba Browsing History.

Checklist 3. Seminggu sekali.

1. Gaga Disk Cleanup. Nama Disk Cleanup tu? Ia tu muai repot penanggul kempita, repot ba folder sementara, utai ba alam tong sampah kitai serta macam utai ke enda beguna meh.

2. Gaga Defragment. Nama Defragment tu? Ia tu nyusun semua fail enggau folder nya lalu nyadi teratur ba dalam Hard disk.

3. Gaga Registry Cleaning. Nama Registry tu? Registry tu kena bejalaika kempita kitai, baka sigi ni ia patut bejalai nitihka software di install kitai. Kekadang maya kitai uninstall software nya, ba registry bedau agi dibuai ia. Kekadang malware udah ngacau registry kitai mega.

Checklist 4. Sebulan sekali.

1. Bersi ka kempitai kitai. Ba dini?

• Lap Monitor abuk ke lekat ba kempita.

• Buai tinggak(abuk ke lekat) ba dalam lubang mouse kitai enti ngena mouse lama. Enti ngena mouse laser lap aja ngena kain ba laser ianya.

• Lap kibut kempita ngena kain, enti balat tinggak ke bisi ba selepak kibut nya, kena buka kitai kibut nya.

• Ke paling penting amai ba dalam PC kitai nya. Cabut magang dulu semua wayar enggau perengka ke bisi ba dalam PC nya. Vakum ngena vakum mit, buai abuk-abuk ke bisi. Paling penting ba Heatsink(besi kena enchelapka processor), buai abuk ba diak laban enti enda dibuai abuk, ia tau ngasuh kempita kitai padam tetiba serta ulih nyai ke Processor.

• Lap abuk ba semua kabel-kabel karan.
  

2. Backup kempita kitai, ngena software ke bisi baka Norton Ghost tauka ngena backup ari kempita kitai empu ba Control Panel diak.

Langkah-langkah pencegahan:

1. Anang enda updated kitai empu software belama.
2. Anang ngangkat kempita kin kia enggau enda berati-ati, lalu tebeleka labuh. Hard disk la paling sensitif enti terempas, laban ia ngena jarum pemacha ba dalam ia.
3. Anang mansut, megai RAM kitai ngena jari enti bedau dibuai cas letrik statik ari tubuh kitai, laban arus letrik statik ari tubuh kitai ulih madam ka program ba RAM nya. Anang semak magnet meh.
   
4. Anang ngeletak Processor(Pentium 4) kitai ba sengapa endur laban ia ulih matah ka kaki emas processor nya. Enti jenis processor ke baru, anang engkah semak Magnet.
   
5. Anang nambit lubang kipas kena muai panas ari kempita, laban enti kempita kitai angat ia ulih nyai ka motherboard serta semua komponen ke sensitif diak.
   
6. Anang nyambung plak karan terus ari dinding laban arus karan tinggi rendah ulih ngasuh kempita kitai jai. Sambung plak dulu ngena Extension Cable Power udah nya ngena Automatic Voltage Regulator lalu ngena Uninterrupted Power Supply(UPS).
7. Internet Conncetion kena sambung meh ngagai Surge Protector mega, enggaika kena kilat alu terus ngagai kempita kitai.

Nyadi enti kempita kitai ka selamat ari semua penanggul, kitai kena meh besusah payah mimit laban ukai nya murah enti ka meli kebaru.

Powered by ScribeFire.